Gjeodezia dhe kadastri është informacioni me të cilin ne e ndërtojmë vendin ku jetojmë. Ruajtja dhe përdorimi i këtij informacioni tashmë ka ndryshuar. Nga urat tek rrugët dhe tunelet, nga rrokaqiejtë tek lagjet me ndërtime, nga lumenjët dhe liqenët deri tek uji që ne e pijmë, janë pjesë e një sistemi të madh informacioni gjeohapësinor. Krijimi, përpunimi dhe ruajtja e këtyre të dhënave, është ajo çfarë ne bëjmë më së miri.
Sistemi Informativ Ujor (SIU) është platformë me autentifikim administrativ, e cila ka për qëllim inventarizimin, përpunimin dhe shfaqjen gjeohapësinore të të dhënave kadastrale ujore për tërë Republikën e Kosovës. Kjo platformë është segment i rëndësishëm i Agjencionit Kadastral të Kosovës dhe Ministrisë së Mjedisit me departamentet e saj.
Promovimi i pasurive natyrore dhe turizmit në Kosovë ka marr një rëndësi të veçantë viteve të fundit. Me financim të Bashkimit Europian, ne arritëm të bëjmë matjen dhe markimin e Bjeshkëve të Nemura, përmes së cilës do të ndërtohet traseja e ecjes së vizitorëve atje.
Ne kemi një portofolio të pasur me matje për zgjerim dhe rindërtim të rrugëve rajonale dhe lokale. Këto projekte përfshijnë piketim dhe relievim të terrenit ku rrugët janë rikonstruktuar. Njëri nga këto projekte është zgjerimi i rrugës Deçan - Plavë.
Përmes matjes topografike të lokacionit për ndërtimin e impiantit të trajtimit të ujërave të zeza në regjionin e Pejës është bërë paraqitja e detajshme e relievit të parcelës. Ky projekt vlen të theksohet sepse ka për qëllim mbrojtjen e mjedisit dhe parandalimin e ndotjes së mëtutjeshme të Bistricës së Pejës.
Projekt i financuar dhe mbikqyrur nga Ministria e Infrastrukturës, ndryshe i quajtur 'Hartimi i projekteve dhe konsulencë teknike - Shërbimet Gjeodezike'. Projekti përfshin shumë detyra që lidhen me punët gjeodezike/kadastrale të cilat duhet t'i kryejm për nevojat e Minstrisë së Infrastrukturës për një periudhë kohore prej 3 vitesh.
Ne kemi finalizuar jo një, por disa projekte të bartjes së të dhënave kadastrale në serverët e Agjencionit Kadastral të Kosovës. Projekte të ndryshme janë financuar nga institucione shtetërore dhe organizata ndërkombëtare me qëllim të përshpejtimit të digjitalizimit të kadastrit shtetëror.
Projekt i realizuar gjatë sezonës së dimërit, i cili është pjesë e planit rregullativ të Komunës së Prishtinës. Puna në terren ka përfshirë matje terrestiale dhe matje ajërore te hapësirës gjeografike. Projekti i dorëzuar përmbanë paraqitjen tridimensionale dhe gjeodezike të të gjitha elementeve infrastrukturore.
Ekipi ynë është gjithmonë i hapur të ju ndëgjojë dhe këshillojë.